سوالف عراقية : لو هاي لو هذيج !.

" المجتمع العراقي مثل هذا الي مشتهي ومستحي !  يتمنا افراده السلام والتقدم الحضاري بس يكرهون الوسيله الي تقود اله ! "
ماكو شيء ابلاش ! لو هاي لو هاي ! العراقي يؤمن بطباخ الزهره و بركات تراب العباس و يريد تطور علمي و طبي مستعد يتبرع بجهود ويدعم مشروع بيع تراب العباس لكن مامستعد يدعم مؤسسة صحية ..

يؤمن بالحرام والحلال ويريد مجتمع متحرر يريد حياة متسامحه وهو يروج بقانون اجثتاث البعث ويصيح يا لثارات الحسين , يريد طائفية ماكو وهو بعده لما يشوف واحد يسأله انت من يا عمام ؟. .. منظومات مهترئه وقديمة بس مقدسة ! .
حبيبتي تكول الحجاب مو دين ولا يخص الدين بنظر المجتمع . بس فرض اجتماعي لان مرتبط بمكانه الانسان الاجتماعية ضمن القطيع الاجتماعي ، اذا تركته ترفض اجتماعيا ، لذلك تضطر تبقه لابسته حتى لا ترفض من المعارف او غير المعارف او تتعرض للمضايقات او للتحرش !.
المنظومة الثقافية الشرقية جمعية اجتماعية ..لذلك التغيير بطييييء ، لان انت تنتظر كثير حلقات و دوائر وسلسلة من الاشخاص حولك توافق يله تكدر تتبنى هالتغيير بهل الفقره (تنتظر عشيرتك , منطقتك , اصدقائك وعائلتك يلا تقرر تتبنى هالتغيير ! )
المنظومة الثقافية الغربية الافراد بها مستقلين ، لذلك الفرد عده حرية وميخاف من الرفض الاجتماعي مثل الشرقي , انه لحد الان اكو كلام مااقدر اصرح بيه حتى لا تتأذه عائلتي , ماكو حركة اجتماعية ثقافية واضحه وصريحه تقول ( يابه ذبوها لهاي النظومات بالزبل)لحد الان حركات لوكَيه لعيون المجتمع ! يخافون! ! لان الجهل قووي وعده سيوف وفلوس بالاضافة الى السقوط بمشكلة تقديس التراث , والسياسات الغربية ما تريد تبني عقول بالشرق الاوسط تريد تبقيه خراب لان يخافون يطلع واحد يتصادم وياهم ويتعارض مع مصالحهم ..

مصطفى الصوفي

مغامرة العقل